O servizo de recollida urbana da fracción orgánica do lixo púxose en marcha hoxe coa colocación dos primeiros colectores marróns e coa entrega das primeiras tarxetas para facer uso dos mesmos. Moitos dos veciños e veciñas que xa se deran de alta no servizo a través da web https://www.medioambiente.vilagarcia.gal acudiron á carpa informativa instalada en Ravella para recoller a tarxeta electrónica coa que se abren cos colectores e para facerse cun dos kits de compostaxe compostos por un cubo para recoller na casa os restos orgánicos, un feixe de bolsas biodegradables para depositalos no contedor marrón da rúa, e un folleto informativo.