EDUCACIÓN
Adiántase a solicitude de axudas á escolarización para que se poidan cobrar antes do inicio de curso As Axudas Municipais á Escolarización Infantil que convoca dende hai anos o Concello de Vilagarcía para aliviar o desembolso das familias para a compra de materiais a principio de curso, inclúen este ano unha importante novidade. A Concellería de Educación, adianta o prazo de solicitude ao mes de xuño, co obxecto de que os beneficiarios poidan cobrar os 60 euros da subvención antes de que comece o curso escolar. Isto será posible porque o baremo dos criterios económicos farase a través dos datos que Hacienda xa terá dispoñibles no mes de agosto da última declaración do IRPF do ano 2017.
11.06.2018.- Este primeiro prazo de solicitude vai do 11 ao 30 de xuño. Os interesados obter os formularios e consultar as bases no taboleiro de anuncios da web http://www.vilagarcia.es ou nos departamentos municipais de Educación e Servizos Sociais. As solicitudes deberán presentarse no rexistro Xeral do Concello de luns a venres en horario de 8.30 a 13.45 horas.
O Concello abrirá un segundo prazo de solicitude en setembro (do 1 ao 15) para que ninguén quede fora da convocatoria por despistarse do prazo ou aquelas familias que decidiran a última hora escolarizar so seus fillos (o grao Infantil non é obrigatorio). Nestes casos as axudan xa se cobrarían co curso iniciado e o desembolso realizado polas familias.
O Concello dispón dunha partida de 15.000 euros, algo superior ao do ano pasado, para financiar estas axudas, para as clases se destinan orzamento das concellerías de Educación e de Servizos Sociais.Para dar maior difusión da convocatoria, a Concellería de educación trasladará as bases a todos os centros educativos e as ANPAS.
Aínda que a escolarización non é obrigatoria na etapa Infantil, o goberno socialista considera que esta é unha medida imprescindible para un mellor desenvolvemento do neno tanto a nivel educativo como social e persoal, ademais de ser unha medida necesaria en moitos casos para a conciliación laboral. De aí que fomente a escolarización nesta etapa ofrecendo estas axudas que se conceden tendo en conta o nivel de ingresos da unidade familiar.