O Concello de Vilagarcía é centro colaborador do Servicio Galego de Colocación (SGC) nos programas de información profesional e de orientación profesional e busca de emprego, e como tal ofrece os seguintes servicios:

• Información a cada usuario demandante de emprego sobre as actuacións que leva a cabo o Servicio Público de Emprego.

• Tratamento da demanda de emprego mediante a revisión do curriculum vitae, nunha entrevista individual e personalizada na que se comprobarán e validarán os datos que contén o CV e os documentos acreditativos achegados polo usuario do servicio, comprobando a adecuación dos datos á relación de ocupacións ás que opta o demandante de emprego, e asesorándoo sobre as ocupacións ou alternativas, para unha posterior codificación e introducción desas referencias na base de datos do SGC.

• Renovación do CV cando o solicite o demandante e posteriores modificacións ou cancelacións dos datos contidos no seu CV.

• Avaliación do perfil curricular de cada demandante actuando sobre as súas aptitudes e capacidades, establecendo actuacións tendentes a adecua-los seus intereses e motivacións á situación actual do mercado de traballo.

O demandante interesado en introduci-los seus datos neste centro colaborador pode facelo pedindo unha cita na oficina de emprego ou ben no teléfono de información do SGC: 902 125 000.