VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O pintado de carril bici nos pasos de peóns comezaron polos cruces do paseo do río
O Concello comezou esta mañá a pintar os primeiros carrís para uso exclusivo de bicicletas nos pasos de peóns que unen zonas peonís. A medida, anunciada a semana pasada pola concelleira de Mobilidade, Paola María, estreouse en dous dos principias cruces que atravesan o paseo do río do Con (paralelo á avenida Rodrigo de Mendoza): á altura das pontes das rúas Doutor Tourón e de Santa Eulalia.

26.09.2017.- En ámbolos dous casos aproveitouse a sinalización do carril bici para desprazar uns metros os pasos de cebra co obxectivo de facelos coincidir cos tramos do paseo para darlles continuidade, facilitando así o tránsito de persoas e ciclistas. De forma complementaria e segundo as indicacións da Policía Local, tamén se desprazarán un metros os contedores de lixo situados nas inmediacións do paso de cebra, co obxecto de manter a perfecta visibilidade por parte dos condutores de vehículos.

Para evitar confusións tanto de peóns como dos ciclistas, a sinalización do corredor para ciclistas completarase pintando no seu interior a típica silueta dunha bicicleta. Deste xeito, uns e outros disporán da súa zona exclusiva para atravesar a rúa sen interferirse.

A concelleira de Mobilidade anunciou que nesta primeira fase serán doce os pasos de peóns que unen zonas peonís que incorporarán o carril bici. Os traballos de pintado continuarán nas vindeiras semanas e sempre que as condicións meteorolóxicas o permitan, xa que chovendo ou co asfalto húmido a pintura non se adhire.

< volver

+ titulares