VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

EDUCACIÓN
O goberno local ponse ao fronte da demanda do bus escolar de mediodía para Carril, Vilaxoán e Rubiáns
O goberno local de Vilagarcía ponse ao fronte da demanda de reposición do servizo de transporte escolar de mediodía que a Xunta de Galicia eliminou este curso e que afecta a numerosas familias dos colexios de Carril, Vilaxoán e Rubiáns. O executivo que preside Alberto Varela considera unha “grave discriminación” por parte da Consellería de Educación a supresión do servizo das 14:15 horas nestes colexios e anuncia que o grupo municipal socialista elevará ao Pleno unha moción pola vía de urxencia para recabar o apio de toda a Corporación Municipal á petición de reposición do transporte escolar.

23.09.2016.- Diferentes membros do goberno local mantiveron contactos esta mañá con representantes das ANPAS dos tres centros educativos para coñecer a situación e poñerse a “completa disposición” das familias que se atopan con esta problemática destapada por pais e nais do Rosalía de Castro de Carril que esta mesma mañá protagonizaron unha protesta pública.

O recorte do transporte escolar realizado pola Consellería de Educación para as 14:15 horas (a saída do horario de mañá) afecta ao alumnado que non é usuario dos comedores escolares e que, dende principio de curso, carecen do bus que os leve a casa á comer coas súas familias, véndose na obriga de esperar unha hora a que rematen de almorzar os usuarios do comedor. A medida atenta contra os principios de conciliación da vida familiar e laboral, xa que moitos pais e nais non poden ir a recoller aos seus fillos por incompatibilidade horaria dos seus traballos, tendo que prescindir moitos do pracer de compartir o tempo do almorzo cos seus fillos.

< volver

+ titulares