VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

URBANISMO
O Pleno aborda a probación definitiva do Plan Especial para construír un supermercado en Pablo Picasso
Vilagarcía contará cun novo supermercado na parcela que fai esquina entre a Avenida de Cambados e Pablo Picasso. A sociedade promotora de iniciativa está a piques de completar a tramitación xa que a Corporación Municipal leva a Pleno o xoves a aprobación definitiva do Plan Especial de Reforma Interior da UEI 21 que lles permitirá construír o establecemento.

22.07.2016.- O PERI que promove a sociedade está recollido no PXOM. A aprobación inicial do mesmo levouse a cabo o 13 de maio de 2015 por Resolución da Alcaldía e continuou a tramitación coa exposición ao público e petición dos correspondentes informes sectoriais ás administracións competentes, neste caso Carreteras do Estado e a Axencia Galega de Infraestruturas. Ámbolos dous informaron favorablemente, indicando a Axencia Galega unhas modificacións ao proxecto que xa foron recollidos no proxecto. En base a isto, o Arquitecto Municipal tamén emitiu informe positivo, ao igual que o Enxeñeiro Municipal que simplemente apunta que as obras deben incluír a recollida de augas pluviais da taxea que atravesa a PO 549 pola Avenida de Cambados.

Tras a aprobación definitiva, a promotora debe presentar no Concello os correspondentes proxectos de urbanización e obra.

Avanza a tramitación para o Alcampo na finca de Megasa

Algo máis adiantado se atopa o proxecto para a construción dun Alcampo na antiga finca de Megasa. Na última reunión da Xerencia de Urbanismo, o Concello aprobou a legalización das demolicións realizadas sen permiso e que fora paralizadas e autorizou a concesión de licenza para rematar o derribo. Ademais, o proxecto de urbanización atópase en fase de exposición pública.

< volver

+ titulares