VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

NOVAS TECNOLOXÍAS
Xuventude organiza un campamento tecnolóxico para mozos de 15 a 35 anos
A Concellería de Xuventude pon en marcha este verán un Campamento Tecnolóxico destinado a mozos e mozas de 15 a 35 anos de idade. Trátase dunha actividade gratuíta onde os participantes recibirán formación práctica sobre o uso de tecnoloxías emerxentes como aplicacións móbiles, robótica, programación ou GPS, co fin de que as poidan aplicar ás súas actividades laborais, sociais ou de ocio.

24.05.2016.- O departamento que dirixe Sonia Outón oferta 50 prazas para esta interesante actividade cuxa participación é totalmente de balde. O primeiro campamento, para un grupo de 25 usuarios, desenvolverase durante a semana do 11 ao 15 de xullo en horario de 10 a 15 horas; mentres que o segundo será a seguinte semana, do 18 ao 22 de xullo, co mesmo horario. As sesións impartiranse en dependencias municipais e na sede da asociación sen ánimo de lucro O Núcleo, cuxos membros son os encargados de impartir as actividades que inclúen obradoiros, saídas prácticas á cidade e charlas de profesionais.

A Concellería de Xuventude oferta estes campamentos tecnolóxicos no marco das accións formativas orientadas a mellorar as opcións de empregabilidade ou de promoción laboral da mocidade. Tamén pretende que a formación nestas tecnoloxías contribúa á creación de redes xuvenís que animen ao desenvolvemento de proxecto participativos e sirvan para intercambio de experiencias e proxectos.

O prazo de inscrición para os campamentos tecnolóxicos xa está aberto. Os formularios poden baixarse dende o taboleiro de anuncios da web municipal e debe presentarse debidamente cubertos ata o 17 de xuño no Rexistro xeral do Concello. A lista de admitidos publicarase o 27 de xuño.

< volver

+ titulares