VILAGARCIA DE AROUSA

CONCELLO
A sinalización da zoa de carga e descarga da Praza de Abastos complementarase con información para os clientes
Coa maior brevidade posible o Concello complementará a sinalización sobre a prohibición de aparcar nas zoas peonís do contorno da Praza de Abastos instalando paneis informativos sobre as zonas, normas e horarios de uso das zonas reservadas para carga e descarga que poderán utilizar vendedores e clientes do mercado público no tramo acordado da rúa García de Caamaño. A decisión adoptouse nunha reunión mantida hoxe no Concello e na que participaron o alcalde, Tomás Fole, a concelleira de Mercados, Rocío Llovo, o edil de Tráfico, Benito Pérez Dorgambide, mandos da Policía Local e responsable da Praza. Ao remate do encontro, o responsable da Praza comunicou aos concesionarios da sala de abastos a decisión.

20.11.2014.- Coa maior brevidade posible o Concello complementará a sinalización sobre a prohibición de aparcar nas zoas peonís do contorno da Praza de Abastos instalando paneis informativos sobre as zonas, normas e horarios de uso das zonas reservadas para carga e descarga que poderán utilizar vendedores e clientes do mercado público no tramo acordado da rúa García de Caamaño. A decisión adoptouse nunha reunión mantida hoxe no Concello e na que participaron o alcalde, Tomás Fole, a concelleira de Mercados, Rocío Llovo, o edil de Tráfico, Benito Pérez Dorgambide, mandos da Policía Local e responsable da Praza. Ao remate do encontro, o responsable da Praza comunicou aos concesionarios da sala de abastos a decisión.

Segundo o acordo, e co obxecto de cumprir coa Ordenanza de Circulación, manterase a sinalización de prohibido circular e estacionar na rúa García de Camaño xa que se trata dunha zoa peoníl. Non obstante, e para satisfacer a petición dos praceiros, a sinalética sobre o uso e normas das zonas reservadas para carga e descarga ampliarase a efectos de que tanto vendedores como clientes da praza teñan pleno coñecemento das zonas que poderán utilizar como estacionamento excepcional e os horarios das mesmas. Para elo, xusto debaixo das sinais de prohibido circular e estacionar, colocaranse uns paneis coas seguintes frases:
“Agás para carga e descarga, de luns a sábado de 06 a 10 horas, e por máximo de 20 minutos”
“Agás para clientes da praza de abastos: luns, mércores, xoves e venres de 10 a 14 horas. Máximo 1 hora”

Debido a que determinados vehículos circularán pola rúa peonil sempre respectando as normas indicadas, o Concello creará un paso de protección reservado para peóns, de xeito que poidan acceder á sala de abastos a pé ou transitar pola zona sen riscos de ser alcanzados por algún vehículo. O paso sinalizarase ben mediante pivotes ou maceteiros.

O tramo da Rúa García de Caamaño no que se permitirán estas excepción vai dende o enlace con Valle Inclán ata o cruce coa prolongación de Arcebispo Lago, é dicir, ata o final do edificio da Praza. O control do cumprimento das normas e horarios indicados correrá por parte da Policía Local dentro das súas funcións periódicas de vixilancia que xa levan a cabo na zona azul da contorna da sala de Abastos. Os incumprimentos das mesmas será denunciados e sancionados conforme á ordenanza de circulación.