CONCELLO
A Adeac volve a recoñecer a calidade das praias de Compostela e O Campanario renovando as bandeiras azuis Aínda que esperada, a renovación das bandeiras azuis para as praias da Compostela e O Campanario, foi acollida con satisfacción polo goberno local de Vilagarcía en tanto que o galardón avala, un ano máis, o resultado do traballo que se vén facendo dende hai anos para garantir a calidade das augas e dos servizos dos areais municipais. A renovación dos sistemas dos bombeos do saneamento, a retirada do edificio do acuario ou a reforma do paseo marítimo, foron outras das actuacións realizadas con este obxectivo.
07.05.2024.- A consolidación do recoñecemento internacional que concede a Asociación de Educación Ambiental y del Consumidor (ADEAC) ás mellores praias de España e do resto de Europa, súmase ademais ás distincións Sendeiros Azuis que a asociación independente concedeu este ano á Senda Verde e a Ruta Mariñeira entre VIlaxoán e Carrill.
A reiterada confirmación dos galardóns de calidade medioambiental da Adeac anima ao executivo que preside Alberto Varela a continuar avanzando nesta liña de mellora da calidade das praias e de recuperación medioambiental de rutas e itinerarios seguindo criterios de sostenibilidade e coidado do medio para que a poboación poida gozar destas contornas naturais nas condicións idóneas.
Nese marco estase, a través de Costas do Estado estase a desenvolver o plan de rexeneración medioambiental das praias da Concha- Compostela co obxectivo de erradicar os pinchos da planta invasora do cadillo e para mellorar calidade da area- Trátase dunha actuación moi demandada pola cidadanía e que cumpre os criterios que defende a Adeac para garantir o coidado e conservación destes tipo de espazos naturais. Tras coñecer a noticia da concesión da Bandeira azul, o Concello xa contactou coa asociación que preside José Palacios para explicarlle a actuación que se está a cometer na Compostela.