SERVIZOS SOCIAIS
A Escola Infantil Municipal abre o período de renovación de praza para alumnos xa matriculados O departamento de Servizos Sociais da Área de Benestar informa de que os alumnos xa matriculados na Escola Infantil Municipal e que desexen continuar no centro o vindeiro curso, deberán solicitar a renovación de praza. O período ábrese hoxe. Posteriormente abrirase un segundo prazo de reserva de praza para alumnos de novo ingreso.
01.03.2023.- As familias que xa contan con nenos escolarizados na Escola Infantil Municipal e que pretendan mantelos no centro durante o curso 2023/24 poderán tramitar as súas reservas do 1 ao 16 de marzo. Os interesados deberán descargar e cubrir o formulario 03003 da sede electrónica do Concello (sede.vilagarcia.gal) no apartado "formularios de solicitude" e presentalo xunto a instancia xeral e a documentación complementaria requirida, ben a través da mesma sede electrónica, ou no Rexistro Xeral do Concello.
Unha vez rematado o período de renovación, abrirase o proceso de solicitude de praza para alumnos de novo ingreso, cuxo prazo vai do 20 de marzo ao 8 de abril, ambos incluídos.