XUVENTUDE
Aínda quedan prazas dispoñibles para o escape room “Estrelas” A Concellería de Xuventude informa de que aínda quedan prazas dispoñibles para participar no escape rooom•”Estrelas” organizado no marco do programa “Semana de Aventura” e destinado á rapazada de idades comprendidas entre os 13 e os 17 anos. A participación é gratuíta e os interesados aínda están a tempo de realizar a preinscrición a través do correo electrónico info@territorio-comanche.com indicando nome e apelidos, teléfono de contacto e nome e data da actividade elixida.
06.07.2022.- A celebración desta primeira sesión do escape room está prevista para o día 11 de xullo. Poderán participar un total de 30 mozos e mozas divididos en seis grupos de cinco compoñentes. Seguindo o formato propio deste tipo de actividades, desenvolverase por diferentes escenarios da contorna urbana e natural da vila. Dende unha perspectiva de igualdade, "Estrelas” aborda a temática das mulleres que tiveron especial relevancia na historia, personaxes que os participantes poderán ir descubrindo seguindo as pistas e realizando as probas que se lles irán dando durante a xornada.
As actividades incluídas na “Semana de Aventura” están dirixidas á rapazada empadroada en Vilagarcía, nada entre o 1 de xaneiro de 2009 e o 31 de decembro de 2000. Tamén poderán participar menores en situación de tutela por parte da administración que estean acollidos en centros do municipio.