VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

TRÁFICO
O Concello acomete un plan integral de pintado da sinalización horizontal no barrio do Piñeiriño
A Concellería de Seguridade Cidadá e Tráfico acometerá nos vindeiros días un plan integral de pintado da sinalización horizontal no barrio do Piñeiriño. A medida adóptase principalmente polos cambios sufridos nos últimos meses nesta populosa zona de Vilagarcía tras as obras de humanización de rúas (ensanche de beirarrúas e peonalización) levadas a cabo e que supuxeron cambios na circulación, na configuración das prazas de estacionamento ou no emprazamento dos pasos de peóns. A sinalización provisional realizada no seu día repasarase agora de forma definitiva en todo o barrio completando os aspectos que faltaban.

29.04.2022.- Este plan de pintado afectará a un total de 12 rúas do Piñeiriño. En concreto a Camilo José Cela, Mondariz, Fernández Gil y Casal, Pardo Bazán, Fermín Bouza Brey, Rúa do Parque, Ramón Martínez, Rúa Fontecarmoa, Travesía, Alfredo Brañas e Adolfo Pedrido Morla.

A actuación foi adxudicada por importe de 18.129 euros á firma Señalización y Balizas de Galicia, que ten previsto iniciar o pintado a vindeira semana, sempre que as condicións meteorolóxicas o permitan e non chova.

Os traballos a realizar inclúen o varrido previo das liñas antigas a efectos de non crear confusión aos condutores e viandantes. Logo pintaranse as novas marcas viais que regulan a circulación do tráfico rodado e os pasos de peóns, e delimitaranse as prazas de estacionamento, incluídas as de minusválidos, zonas de carga e descarga, paradas de autobús e de taxi.

< volver

+ titulares