VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Concello adquire nova maquinaria para os bombeos do saneamento en Aralde, Carril e Rubiáns
O Concello de Vilagarcía continúa coas labores de mantemento do servizo de saneamento de augas residuais, esta vez mediante a substitución de maquinaria obsoleta por outra nova. A Xunta de Goberno Local acordou esta semana adquirir equipos cos que actualizar tres estacións de bombeo e garantir así o seu correcto funcionamento. O Concello inviste nestas actuacións case 22.000 euros.

28.04.2022.- A obra de maior importe e a que se efectuará no bombeo de Beiramar, en Carril, onde cun orzamento de 12.138 euros se substituirán dúas bombas. Ese é un punto sensible por situarse á beira do paseo marítimo e recibir un caudal moi importante de residuais, polo que coa renovación dos equipos garántese que se produzan avarías por desgaste e que estas poidan derivar en paradas das bombas e os conseguintes alivios cara o mar.

Una actuación similar, pero de menor calado, levarase a cabo no bombeo de Aralde, onde se renovará unha bomba cun investimento de 4.224 euros. Por último, tamén se substituirán catro dos impulsores e tres aneis no bombeo situado á altura do tanatorio de Rubiáns.

Actuacións de renovación dos equipos lévanse a cabo de forma permanente ao longo de todo o ano co obxectivo de que todos os bombeos do municipio se manteñan nas condicións óptimas que garantan o correcto funcionamento do servizo. Os equipos sofren desgaste e vanse deteriorando co uso, o que deriva en avarías, situacións que se pretenden evitar con esta renovación periódica que vai rotando por todas as estacións de bombeo coas que conta o servizo de saneamento municipal. Noutras ocasións, debido a un aumento do caudal a tratar por incremento da poboación nunha determinada zona e máis conexións á rede, as bombas téñense que cambiar por outras de maior potencia e caudal, a efectos de evitar colapsos na rede.

< volver

+ titulares