_ Buzón do Alcalde Trámites Administrativos Turismo Enlaces
4O CONCELLO
:VILAGARCÍA TURISMO:
_LA CIUDAD
_THE CITY
TURISMO
Vilagarcía e Pontevedra xestionan en FITUR a continuidade da Vía Verde do Salnés ata a vila do Lérez

A idea de unir a Vía Verde do Salnés coa futura senda a construír en Pontevedra e Barro aproveitando os trazados en desuso do trazado ferroviario segue avanzando. Aproveitando o marco de FITUR, o concelleiro de Turismo de Vilagarcía, Álvaro Carou, e os edís pontevedreses Iván Puentes e Yoya Blanco, mantiveron una reunión cos directivos da Fundación de Ferrocarrís Españois, José Carlos Domínguez e Maximiliano Cuevas, para continuar traballando na iniciativa.
21.01.2022.- Tras ter rematado o Concello de Pontevedra a memoria da futura senda que discorrerá por territorio do seu municipio e o de Barro, a FFE anunciou que serán eles os que se encarguen de redactar o proxecto da actuación, tal e como fixeran no seu día coa Vía Verde do Salnés, a primeira que discorre por territorio integramente galego.

Os concellos de Vilagarcía, Caldas e Portas, xunto cos de Barro e Pontevedra traballan dende hai case un ano no proxecto común para crear un gran trazado peonil e cicloturista que dea continuidade á Vía Verde do Salnés, que discorre entre os tres primeiros, para chegar ata á capital da provincia. Esta gran senda, que no seu conxunto sumará 24 quilómetros de lonxitude, aproveitaría tanto partes do trazado ferroviario en desuso, como sendas forestais e da parcelaria e incluso algún tramo do camiño de Santiago. Os cinco municipios implicados apostan forte por esta iniciativa debido ao elevado valor turístico que reportaría este novo recurso para toda a zona.

Os primeiros paso desta iniciativa déronse en febreiro do ano pasado, nunca reunión celebrada en Vilagarcía á que asistiron os representantes dos cinco municipios. Este novo proxecto supramunicipal pretende seguir o modelo de colaboración institucional iniciado coa Vía Verde, no que concellos con gobernos de distintas siglas políticas uníronse en pro dun mesmo proxecto para aproveitar sinerxias e acadar un beneficio común.

A proposta parte xa cos 9 quilómetros da Vía Verde do Salnés xa operativos e en uso, os que partindo do entorno do Pazo de Rubiáns, en Vilagarcía, discorren por terreo caldense, cruzan o Umia pola ponte de ferro, e rematan no antigo andén de Portas. Polo tanto, os traballos a realizar limitaríanse aos 15 quilómetros restantes, os comprendidos entre o municipio de Portas e Pontevedra, pasando por Barro.

Para concretar o trazado, o Concello de Pontevedra aportou o estudo realizado pola Asociación Pedaladas, que deseñou o enlace dende Pontevedra coa Vía Verde do Salnés. A diferenza desta última, que discorre integramente por vía ferroviaria en desuso, o novo tramo so aproveitaría algún trazado das vellas vías do tren- como o da ponte sobre o Lérez e un antigo túnel-. O resto salvaríase aproveitando sendas forestais e da parcelaria e incluso algún tramo do camiño de Santiago. Ao tratarse de sendas xa abertas, o custe da actuación veríase reducido de forma importante, centrándose principalmente en materia de sinalización e mobiliario. Con esta base, a FFE encargarase de redactar o proxecto técnico da obra.

Por outro lado, o xefe de proxectos da FFE, Maximiliano Cuevas, informou ao concelleiro de Vilagarcía que a Vía Verde do Salnés xa está totalmente referenciada e sinalizada nos servizos Google, unha medida que contribúe en bo grado ao seu coñecemento e atracción de visitantes.
4Participación CIDADÁ
_Escribe o teu ALCALDE
_Regulamento de Particip.
_Queixas e Suxestións
Trámites Administrativos
  Municipais / No Municipais
»
4DÍA A DÍA
    May 2022  
L
M
X
J
V
S
D
           
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
         
Maio
voluntariadogalego.org
P.X.O.M.
voluntariadogalego.org


[Inicio] [Información Turistica] [Trámites Administrativos] [Ordenanzas] [Taboleiro de anuncios] [Buzón de Suxestións]
[Novas Concello] [Axenda Cultural] [Revista Municipal] [Plan Xeral de Urbanismo] [Vilagarcía en cifras]
[Gabinete de Comunicación] [Postales] [Mapa e Rueiro] [Enlaces] [Contacto]

© 2022. Concello de Vilagarcía de Arousa
Praza Ravella, n° 1. 36000 - Vilagarcía de Arousa
- Aviso Legal - Créditos -