VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A segunda fase da rehabilitación do Paseo Marítimo comeza esta semana, un mes antes do previsto
As xestións realizadas nos últimos días polo alcalde, Alberto Varela, ante a delegación do Goberno e o departamento de Costas para tratar de axilizar a segunda fase da rehabilitación do Paseo Marítimo veñen de dar os seus froitos, xa que o organismo estatal confirmou que esta mesma semana comezarán os traballos previstos inicialmente para mediados de xaneiro. O goberno local celebra a medida que permitirá que a remodelación do pavimento do paseo estea completada a comezos da primavera para que, coa chegada do bo tempo, poida ser disfrutado nas súas mellores condicións pola cidadanía.

27.11.2021.- Hai algo máis de un mes que Costas confirmaba a Varela que xa se tiña iniciado o procedemento para a contratacións dos traballos da esperada segunda fase do proxecto, unha actuación financiada integramente polo organismo estatal e que ten un orzamento de 632.681 euros e un prazo de execución de 4 meses. A empresa pública TRAGSA será a encargada de acometer a obra, como xa fixo coa primeira fase. O investimento total que supón a rehabilitación integral do paseo ascende a 1,3 millóns de euros que financiou integramente Costas do Estado.

Os traballos a realizar terán as mesmas características que os realizados na primeira fase, na que se substituíu o deteriorado pavimento de lousas de pizarra por un solado de formigón tintado moito máis resistente, duradeiro e accesible. Tamén conlevan a renovación do cableado de electricidade do alumeado público en todo o tramo.

As obras que se iniciarán a finais de mes afectarán ao tramo central dom paseo marítimo, o comprendido entre o Balneario da Compostela e as inmediacións do lavadoiro de Carril, xa que a primeira fase do proxecto afectou tramos dos extremos máis próximos a Vilagarcía e a Carril. A previsión é que as obras comecen pola parte máis próxima a esta localidade, para ir achegándose ao balneario.

< volver

+ titulares