CULTURA
Cultura informa aos usuarios sobre o sistema de reserva de entradas para os actos de Santa Rita A Concellería de Cultura habilita este mércores no Auditorio un punto de información sobre o uso da plataforma woutick.es, a través da que se debe facer a reserva de entradas para asistir aos actos das festas de Santa Rita. Aínda que a asistencia é de balde para todas as actividades organizadas pola Concellería, a situación sanitaria implica a limitación e control de aforos, así como a identificación de todos os asistentes, razón pola cal os asistentes deben reservar previamente entrada a través desta plataforma.
17.05.2021.- Ante a posibilidade de que algunhas persoas atopen dificultade para facer a reserva, especialmente as de maior idade ou non habituadas a utilizar este tipo de plataformas, persoal da Concellería atenderá as súas consultas o mércores na zona de conserxería do Auditorio en horario in interrompido de 8 da mañá ás 10 da noite. Explicaráselles os pasos a realizar a través de woutick.es, pero non se lles realizará a reserva directamente, debido ás normas de protección de datos. Un dato a ter en conta é que para reservar as entradas é necesario contar cunha conta de correo electrónico.
Programa e aforo de limitado a 210
As festas de Santa Rita ábrense o venres 21 de maio co concerto no Auditorio da Banda de Cámara Arousa. O xove músico vilagarcián, Xoel Padín presentará o sábadoa mediodia o seu primeiro disco”Aughas Mortas”,na Praza da II República, onde pola noite actuará a intérprete galega Silvia Penide, gañadora do segundo premio Martín Códax. O domingo, no mesmo escenario terá lugar o V Encontro Folclórico Santa Rita, no que actuarán os grupos de gaitas e baile Mar de Arousa, de Bamio; Nós, de Sobradelo; O Souto, de Rubiáns; e Embruxo de Guillán.
Como xa se fixera nas festas de San Roque, o recinto dos concertos estará acotado e as 210 prazas dispoñibles serán para público sentado e distanciado entre si, que deberá usar máscara obrigatoriamente, ter reservada praza e chegar con antelación suficiente para ser acomodados sen aglomeracións. As localidades que non se ocupen ao inicio do espectáculo abriranse para as persoas que se atopen na zona.