VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O presuposto municipal de 2021 queda aprobado de forma definitiva ao desestimar a Corporación a única alegación presentada
En escasos cinco minutos resolveu a Corporación Municipal de Vilagarcía o Pleno extraordinario convocado para resolver a única alegación presentada aos Presupostos Municipais do Concello de Vilagarcía para o ano 2021. Foi a que asinou USO, unha formación sindical que non conta con representación no Concello. A alegación foi rexeitada pola Corporación cos votos a favor da desestimación do grupo de goberno socialista, e as abstencións de toda a oposición (PP, BNG, Vilagarcía en Común e Ciudadanos) coa excepción de Marea na Vila, que non asistiu á sesión. O orzamento entrará en vigor tan pronto como se publique no BOP o acordo adoptado hoxe pola Corporación.

05.04.2021.- A alegación, de tipo xenérico, afondaba no tema da interinidade dos traballadores das administracións públicas e nos procesos de consolidación de emprego. En consonancia co apuntado polos informes técnicos, todos os grupos coincidiron en que, aínda que tendo a súa razón no fondo da temática, a alegación no se refería a ningún aspecto dos orzamentos. Ademais, os grupos lembraron que todos os sindicatos con representación no Concello e que integran a Mesa de Negociación, deron o seu visto bo aos orzamentos municipais. Con estes dous argumentos, o grupo de goberno votou a favor de desestimar a alegación e PP, BNG, Vilagarcía en Común e Ciudadanos, se abstiveron, en concordancia coa postura mantida no seu día no Pleno dos Presupostos, segundo explicaron.

Tras desestimarse esta única alegación, o Concello remitiu esta mesma mañá o acordo ao BOP para que proceda a súa publicación e quede con iso aprobados definitivamente os presupostos de 2021. Que entrarán en vigor a partir dese momento.

< volver

+ titulares