VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
O Concello recibe unha única oferta para subministrar o camión aspirador para a rede de saneamento
Os servizos técnicos municipais están avaliando a única oferta presentada para subministrar ao Concello un camión con equipo aspirador-impulsor destinado á limpeza da rede municipal de saneamento. A adquisición deste vehículo suporá unha importante mellora para o mantemento e funcionamento das canalizacións de augas residuais, xa que permitirá axilizar a súa limpeza e solucionar as obturacións que se poidan producir. A compra do camión aspirador licítase por 166.701 euros que se financian con fondos municipais e do Plan Concellos da Deputación. O investimento amortizarase rápido, posto que a compra permitirá prescindir doa empresa contratada actualmente para realizar estas labores.

29.09.2020.- A adxudicataria do subministro disporá dun prazo de 2 meses para entregar o vehículo debidamente rotulado coa imaxe corporativa do Concello e dotado cos equipos e sistemas establecidos nos pregos. O camión debe incorporar unha cisterna, con capacidade mínima de 1.300 litros, dividida en dous compartimentos estancos, un para lodos e outro para auga limpa. Disporá de bomba de pistóns e bomba de baleiro, sistema de autolimpeza de depósitos e carrete hidráulico para a recollida de 40 metros de mangueira.

O contrato inclúe o servizo técnico de mantemento, revisión e reparación do vehículo mentres estea vixente o prazo de garantía do vehículos (mínimo de 2 anos) e a adxudicataria deberá ofrecer un curso de formación no uso do camión e os seus equipamentos ao persoal municipal do servizo correspondente.

De cumprir todos os requisitos establecidos, o subministro adxudicarase nos vindeiros días.

< volver

+ titulares