VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
Carlos Blanco e Xosé A. Touriñán poñen á venda as entradas para as dúas funcións da súa “Noite na Praia” en vilagarcía
Carlos Blanco e Xosé A. Touriñán están dispostos a repetir os cheos que protagonizaron no auditorio de Vilagarcía coa súa última produción. Así, anuncian para os días 4 e 5 outubro sendas funcións de “Unha noite da praia”. O primeiro día, ás 20:30 horas; o segundo, ás 20:00. As entradas xa están a venda, con prezos que van dos 12€ da zona C, aos 15 da B e os 18 da A. A venda telemática ten cargos de xestión; a venda directa en billeteira, dúas horas antes de cada función, non.

25.07.2019. “Unha noite na praia” é o título dunha comedia de dúas personaxes. Dous tipos moi distintos que coinciden ao solpor nunha praia fronte ao mar. Klaus e Manuel, un sueco e un galego, que se parecen o mesmo que o restaurante de Ikea a un Furancho da aldea. Na praia non queda ninguén; só Manuel, que traballa no chiringuito, e Klaus, un turista que non quere levantar o cu da derradeira hamaca que queda por recoller. Así arranca o conflito destes dous tipos: un quere marchar para casa a durmir, e o outro quere que lle poñan a última cervexa e un ombreiro para chorar as súas penas polo seu corazón roto.

Escrito e dirixido por Javier Veiga e producido en Galicia por Ainé Producións, conta co traballo de escenografía de Carlos Alonso, a dirección técnica de Dani Juncal e a dirección de produción de Javi Lopa, Paco Abelleira e Álvaro Pérez Becerra.

Toda a información sobre a xira desta obra -horarios, espazos e prezos- está xa dispoñible en http://www.unhanoitenapraia.gal , desde onde é posible acceder aos portais de venda de entradas para cada unha das funcións.

< volver

+ titulares