VILAGARCIA DE AROUSA

CONCELLO
O Concello contrata por 51.763 euros o acondicionamento dos parques infantís do Piñeiriño e Dona Concha
A empresa Mecano Obras y Reformas será a encargada de acometer a actuación de acondicionamento e mellora das zonas de xogo infantil dos parques do Piñeiriño e Dona Concha. O contrato adxudicado na Xunta de Goberno Local celebrada esta mañá ten un importe de 51.763 euros e á firma ofertou como mellora a ampliación en 12 meses do prazo de garantía. Os traballos previstos nestes dous parques consisten en substituír o firme de caucho e reparar os valados, arranxar por completo todos o bambáns e as estruturas de xogo. O prazo de execución é de 6 semanas a contar unha vez asinado o contrato.

15.07.2019.- Estas dúas actuacións están incluídas no Plan de Mantemento dos Parques Infantís do Concello de Vilagarcía que se leva a cabo de forma progresiva en todas as zonas de xogos do municipio co obxectivo de contrarrestar o desgaste e deterioro que sofren co paso do tempo, o uso e a exposición a intemperie. As labores de mantemento e conservación permiten a utilización dos xogos en condicións de comodidade e seguridade por parte dos nenos e nenas.

Os traballos a realizar no parque de Dona Concha e no do Piñeiriño comezarán cunha revisión de todos os bambáns e xogos e, dependendo das deficiencias que presente cada elemento, cambiaranse as pezas en mal estado, lixaranse e pintaranse as partes de madeira e trataranse con verniz protector, fixaranse as ancoraxes e apertaranse os parafusos.

O desgaste dos xogos é máis pronunciado na área do Piñeiriño debido á súa maior antigüidade. Aquí será preciso desmontar algunha das estruturas de xogos para reparalas no obradoiro e logo volver a montalas no parque. O caucho do chan substituirase por completo tanto neste parque, e no de Vilaxoán, ademais de cambiar o existente, estenderase tamén firme sintético na parte que actualmente está cuberta con céspede artificial. Con isto conséguese dar uniformidade a toda a zona de xogos.

No que respecta aos valados de peche perimetral, o do Piñeiriño arranxaranse coa reposición das táboas en mal estado, lixado e pintado. Actualmente o valado do parque vilaxoanés é metálico, polo que substituirase por outro de madeira similar aos das demais zonas infantís de xogo do municipio. Por último, o panel informativo do parque de Dona Concha arranxarase e no do Piñeiriño instalarse un novo.