VILAGARCIA DE AROUSA

CONCELLO
Aberto o prazo para solicitar as Axudas Municipais á Escolarización en Educación Infantil
O Concello de Vilagarcía abriu o primeiro prazo para solicitar as Axudas Municipais á Escolarización Infantil que se convocan dende hai anos para aliviar o desembolso que deben facer as familias para a compra de materiais a principio de curso. Como xa se fixo o ano pasado, establécese un primeiro prazo de tramitación no mes de xuño (do 10 ao 28) para adiantar o pago dos 60 euros da subvención aos beneficiarios, e, a ser posible, que a reciban antes de comece o curso escolar. A maiores, abrirase un segundo prazo en setembro (do 2 ao 16) para que os máis rezagados tamén teñan a oportunidade de acceder ás subvencións.

08.06.2019.- Aínda que a escolarización non é obrigatoria na etapa Infantil, o goberno socialista considera que esta é unha medida imprescindible para un mellor desenvolvemento do neno tanto a nivel educativo como social e persoal, ademais de ser unha medida necesaria en moitos casos para a conciliación laboral. De aí que fomente a escolarización nesta etapa ofrecendo estas axudas que se conceden tendo en conta o nivel de ingresos da unidade familiar, a computar segundo a declaración da Renda relativa ao exercicio de 2018. Dado que a campaña para facer a declaración do IRPF aínda está en curso, non é preciso que os solicitantes presenten copia na solicitude das axudas. Chega con que autoricen ao Concello a consultar os datos fiscais unha vez que Hacienda os teña.

No caso de que as solicitudes que cumpran os requisitos superen a consignación orzamentaria dispoñibles, as axudas concederanse seguindo a orde da renta per cápita, comezando polas inferiores e ata esgotar a partida.

O Concello dispón dunha partida de 15.000 euros para estas axudas destinadas ás unidades familiares de convivencia residentes e empadroados no Concello de Vilagarcía de Arousa con menores matriculados nas etapas 1ª e 2ª de Educación Infantil (de 0 a 6 anos), nos centros de ensino sostidos con fondos públicos e nas Escolas Infantís autorizadas de Vilagarcía de Arousa.

Os interesados obter os formularios e consultar as bases no taboleiro de anuncios da web http://www.vilagarcia.gal ou nos departamentos municipais de Educación e Servizos Sociais. As solicitudes deberán presentarse no rexistro Xeral do Concello de luns a venres en horario de 8.30 a 13.45 horas.

Formularios de solicitude e bases da convocatoria:

Descargar PDF