VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CONCELLO
A Fundación abre o prazo para solicitar as axudas ao deporte federado e á organización de eventos deportivos
O Boletín Oficial da Provincia publica hoxe a convocatoria das axudas ao deporte federado e á organización de eventos deportivos extraordinarios que convoca anualmente a Fundación Municipal de Deportes do Concello de Vilagarcía. O prazo para a solicitude das subvencións en calquera das modalidades ábrese mañá, 1 de marzo, e remata o día 20 deste mesmo mes. O organismo que preside Argimiro Serén destina 112.000 euros para o reparto destas axudas.

28.02.2019.- A novidade na convocatoria deste ano é que os clubs ou entidades deberán tramitar as solicitudes vía telemática a través da sede electrónica. Precisamente, para informar desta novidade e explicar aos interesados o procedemento a seguir, a Fundación celebrou hai unas semanas unha xornada formativa destinada aos directivos e responsables das entidades deportivas.

A partida inicial destinada este ano ás axudas para o fomento do deporte federado ascende a 82.000 euros, suma que pode incrementarse no caso de quedar algún sobrante da cantidade consignada para subvencionar a organización de actividades extraordinarias. Para esta outra liña, existe unha partida de 30.000 euros.

As axudas repartiranse en base aos criterios e baremos establecidos nas bases da convocatoria, documento que se pode consultar no taboleiro de anuncios do portal municipal http://www.vilagarcia.gal e no apartado da Fundación de Deportes da sede.vilagarcia.gal. nestes mesmo puntos están dispoñibles os formularios de solicitude e os anexos.

Ademais, a Fundación xa está informando vía email aos clubs de que mañá se abre o prazo de solicitude, a efectos de que a ninguén se lle pase o prazo estipulado nas convocatorias.

< volver

+ titulares