VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

SANIDADE
O alcalde esixe á consellería a inmediata apertura da terceira planta do Hospital do Salnés
O alcalde de Vilagarcía, Alberto Varela, pronunciouse esta mañá ao respecto dos últimos casos coñecidos sobre a “inexplicable” espera á que se ven obrigados a padecer varios enfermos para ser ingresados no Hospital do Salnés. Ante a “crecente gravidade da situación” o rexedor local esixe á Consellería de Sanidade a inmediata apertura e posta en funcionamento da terceira planta do centro.

31.10.2018.- Varela manifesta que a situación que recollen os medios de comunicación “non ten xustificación”, tendo en conta que o Hospital foi ampliado non hai moito e dispón dunha terceira planta totalmente equipada e en perfectas condicións para ser utilizada. O socialista clama contra a “falta de humanidade dos responsables do goberno galego por permitir que enfermos que precisan ser hospitalizados, que están sufrindo e que incluso precisan de manterse illados, permanezan horas e incluso días nos corredores do centro na espera de que queden camas libre, cando se mantén pechada toda unha planta chea de camas”.

Para o alcalde de Vilagarcía o que está a suceder estes días é unha proba máis das intencións do PP da Xunta de Galicia de desmantelar o Hospital do Salnés, tal como xa se advertía nos cambios lexislativos que propiciaron a perda da área sanitaria do Salnés.

“Outra vez máis vemos que para o PP da Xunta importa máis o custe económico que a saúde e o benestar dos cidadáns do Salnés, e iso é algo que non podemos permitir”, asegura Varela. Por esta razón, o grupo socialista, a través do deputado vilagarcián, Julio Torrado, presentará unha iniciativa no Parlamento para demandan a inmediata apertura da terceira planta do Hospital.

< volver

+ titulares