OBRAS E SERVIZOS
O Concello amplía a rede de abastecemento de auga na Rúa Veiga de Guillán O Concello de Vilagarcía continúa avanzando no proceso de renovación e mellora da rede de abastecemento de auga. A última actuación realizada neste sentido foi a levada a cabo na Rúa Veiga de Guillán, onde se renovou un pequeno tramo do tubo existente e se ampliou a instalación en 120 novos metros. Os traballos foron realizados a través do sistema de colaboración entre o persoal municipal e da empresa concesionaria do servizo.
11.07.2018.- A obra que rematou hai uns días permitiu substituír un tramo da antiga condución de fibrocemento que se atopaba moi deteriorada e causaba fugas por unha canalización nova de PVC. Aproveitouse ademais para estender a rede municipal uns 120 metros máis, instalando unha tubo totalmente nova co obxectivo facer chegar o servizo a unhas casas que quedaban algo illadas do demais núcleo de vivendas por onde xa pasaba a rede.