VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

AVISOS
A Fundación abre a inscrición das actividades deportivas para o terceiro trimestre do curso
A Fundación Municipal de Deportes abriu esta semana o prazo de inscrición nas actividades de adultos correspondentes ao terceiro trimestre do curso. Dende o 5 de marzo e ata o día 23 deste mesmo mes, os interesados poderán facer o trámite nas dependencias de Fexdega en horario de 9 a 14 horas. Como en xaneiro, a inscrición de pilates deberá facerse cun formulario independente e a adxudicación das 250 prazas ofertadas farase por sorteo en caso de que a demanda sexa maior. As sesións do terceiro trimestre reanudaranse o 2 de abril, despois das vacacións de Semana Santa.

06.03.2018.- En total son 10 especialidades deportivas para persoas maiores de 16 anos que ofrece a Fundación de Deportes este curso. Son ximnasia de mantemento, ximnasia acuática, ximnasia funcional, bádminton, aerobic, tai chi, ioga, pilates, Circuitraining e Estiramentos e relaxación.

O custe por trimestre é de 18 euros aínda que se establecen bonificacións en función dos niveis de ingresos. As persoas que xa dispoñen do carné da Fundación deberán anotarse igualmente ás actividades que desexen, sen pagar nada máis.

O formulario de inscrición pode imprimirse dende o taboleiro de anuncios da web municipal ou solicitar na sede da Fundación. Existe un propio para a actividade de pilates e outro para o resto das modalidades deportivas. Para evitar problemas de aglomeracións e a efectos de que todos os interesados poidan ter as mesmas oportunidades de acceso, non rexerá a orde de inscrición na actividade de pilates, para a cales e ofertan 250 prazas divididas en 10 grupos. En caso de que a demanda supere á oferta, a Fundación adxudicará as prazas e repartirá os horarios mediante sorteo.

< volver

+ titulares