VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
O campamento medio ambiental pónse en marcha cunha xornada que leva aos 20 participantes a Cortegada
O campamento Urbano Medio Ambiental organizado pola Concellería de Xuventude arranca hoxe e faino levando aos vinte mozos e mozas participantes a pasar unha xornada completa na Illa de Cortegada. Dende hoxe e ata o 1 de agosto, o equipo composto por rapaces e rapazas de 12 a 16 anos, ademais dea adentrarse en Cortegada poderán practicar kaiak, practicar xogos de xeo localización ao aire libre, coñecer a riqueza natural e patrimonial de Vilagarcía e ata a navegar nun galeón.

27.07.2016.- As visitas de hoxe comezarán ás 11 coa saída a Cortegada para participar nunha xornada de voluntariado medio ambiental para, despois do almorzo na propia illa, realizar unha visita guiada polos monitores de Corticata para amosar aos mozos e mozas a riqueza e o valor natural, paisaxístico, patrimonial e etnográfico do territorio que forma parte do parque Nacional Marítimo Terrestre das Illas Atlánticas.

As actividades a desenvolver durante os próximos días van dende unha visita ao refuxio de Animais de PInar do Rei, e rutas de senderismo por Xiabre e Lobeira, actividade de anillamento de paxaros, actividades deportivas na paria e Kaiak, labores de voluntariado medio ambiental nas praias da Concha Compostela, obradoiros de teatralización de espazos naturais, travesía en galeón, visita á lonxa, ruta polos bancos marisqueiros dos Lombos do Ulla, e obradoiro de recursos turísticos e naturais do municipios.

Con este obradoiro, ademais de ofrecer unha alternativa de ocio a rapaces e rapazas de 12 a 16 anos, preténdese ademais que os participantes descubran a riqueza e os recursos cos que conta a cidade e o medio no que viven, que aprendan a coidalos e respectalos. O campamento urbano é unha actividade que Xuventude oferta de balde para os participantes e contou cunha excelente acollida.

< volver

+ titulares