AVISOS
O acceso a Doutor Tourón dende Alejandro Cerecedo córtase para pasar o novo colector do saneamento A execución da obra de mellora do saneamento que está a executar Augas de Galicia obrigará a cortar o tráfico no tramo da avenida Doutor Tourón que discorre entre o cruce de Fariña Ferreño e a ponte sobre o río Con. Rematada a instalación do novo colector ao longo do parque da Xunqueira, a canalización debe atravesar agora Doutor Torón, no punto no que conflúe coa rúa García Lorca, para continuar pola zona peonil de Rodrigo de Mendoza.
02.04.2024.- Como consecuencia, a partir deste mesmo mediodía queda cortada a circulación de saída dende Alejandro Cerecedo a Doutor Tourón, polo que os vehículos que dende este cruce queiran dirixirse cara a glorieta da Mariña Española deberán coller por Fariña Ferreño cara a Rodrigo de Mendoza, ou dar a volta pola Praza de España e regresar por Alejandro Cerecedo e Alexandre Bóveda para saír a Valle-Inclán.
A previsión da adxudicataria é que os traballos se prolonguen ata a tarde do xoves, sempre que non xurdan inconvenientes. Hai que ter en conta que polo subsolo desta rúa discorre un elevado número de servizos (saneamento, abastecemento de auga, recollida pluviais, electricidade, fibra, gas, etc..), polo que as obras deben realizarse con coidado extremo para non afectar a ningún deles.