VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

FESTAS
O bulicio das festas de Santa Rita regresa a partir do venres a Vista Alegre coa apertura da Feira Celta
As festas na honra de Santa Rita comezan mañá venres a modo de petisco e para ir preparando o ambiente de cara a unha longa e intensa fin de semana de celebracións. A xornada inaugural das festas libres de restricións tras dous anos de pandemia iniciarase pola tarde coa apertura ao público da Feira Celta no Parque da Xunqueira. O bulicio festivo encherá a contorna de Vista Alegre onde xa están instalados tamén os postos de rosquillas e velas e onde comezarán a chegar as carpas das pulpeiras para ofrecer o prato típico das romarías galegas.

19.05.2022.- Os postos de artesanía e produtos gastronómicos da Feira Celta abrirán ao público ás seis da tarde. A esa mesma hora tamén comezarán a realizarase algúns dos obradoiros a desenvolver no marco da feira, onde tamén haberá animación musical con actuacións ás 18.30, 20 e 22 horas. O mercado celta funcionará ata as 23.30 horas.

O grupo de gaitas Froallo será o encargado de pregoar mañá o inicio das esperadas festas de Santa Rita cun pasacalles polas rúas e zonas peonís da cidade a partir das oito da tarde.

As actividades do venres servirán para ir quentando motores de cara á completa programación festiva deseñada pola Concellería de Cultura para a fin de semana e o luns, que en Vilagarcía tamén será festivo por coincidir este ano o día de Santa Rita en domingo. Así, o sábado, entre outras moitas cousas, haberá torneo de fútbol 7, obradoiro de baile tradicional, actuación da Banda de Música de Vilagarcía e o gran concerto do grupo La La Love You.

< volver

+ titulares