|
O Concello de Vilagarcía presentou esta mañá o Nadalízate!, a intensa e variada programación deseñada para gozar ao máximo das festas máis entrañables do ano inundando a cidade de actividade e de luz do 1 de decembro ao 7 de xaneiro. O alcalde, Alberto Varela, salientou que se trata dun programa dirixido a público de todas as idades, para gozar en familia, que se estende ao rural e aos barrios da periferia, e deseñado para crear ambiente e dinamizar a vila social e economicamente. A Aldea de Nadal e a chocolotada para os maiores son as principais novidades dun programa que inclúe citas tan sinaladas como o prendido do alumeando, o Fexturrón, o Nadal nas Parroquias, as Tardes de Cine, a Toma das Uvas, a Cabalgata de Reis ou o Circo Máxico, e que se complementa cunha potente decoración de rúas, os bonos Son da Casa e as campañas de apoio ao comercio e á hostalaría locais. |
