VILAGARCIA DE AROUSA

A/ Primeira inscrición:

• 2 fotografías tamaño carné.
• Certificado en extracto da partida de nacemento expedida polo Rexistro Civil (Avda. da Mariña, 11- baixo), para o efecto da obtención do Documento Nacional de Identidade, ou Certificado no seu caso de inscrición da nacionalidade española, expedido polo Rexistro Civil correspondente.
• Cando o solicitante sexa menor de idade ou incapacitado (avalado por un certificado médico), a persoa que o represente acreditará o enderezo deste e amosará o seu DNI en vigor, que quedará consignado na solicitude.
• Pago da correspondente taxa.

B/ Renovación:

• Por caducidade.
o Dúas fotografías tamaño carné.
o DNI anterior.
o Pago da correspondente taxa.
o Os residentes en España, no caso de cambio de domicilio respecto do que figure no documento anterior: partida de nacemento literal.
o Os residentes no Estranxeiro: un certificado acreditando a residencia, expedido polo consulado español onde estea inscrito. No caso de variación de datos de filiación, Certificado do Rexistro Civil.

• Por subtracción ou extravío:
o No caso de renovación por substracción ou extravío (cando non poida presenta-lo documento anterior), o solicitante deberá cumprimentar ademais un impreso ó efecto que se lle entregará na oficina onde o solicite, debendo aportar outra fotografía, que xunto a súa sinatura e a súa impresión dactilar, servirá para comproba-la súa personalidade.

NOTAS IMPORTANTES:
• A obtención do DNI é obrigatoria a partir dos 14 anos.
• A renovación do DNI pódese solicitar 3 meses antes da data da súa caducidade.
• Para recolle-lo DNI será necesario a presentación do resgardo e a entrega do DNI anterior, e poderá facelo calquera persoa sempre que presente o resgardo e a oportuna autorización.