O rexistro é unha unidade administrativa onde se deixa constancia da documentación presentada polos particulares.

As súas funcións principais son:

• Verifica-lo cumprimiento de prazos.
• Realizar un seguimento da documentación.
• Verificar se se respecta a orde de incoación na tramitación dos procedementos.

No Concello existe o sistema de Xanela Única que permite ós administrados presentar documentos dirixidos a calquera órgano da Administración autonómica, así como consultas sobre o estado de tramitación de procedementos das Comunidades Autónomas. As posibilidades son estas:
• Rexistro xeral de documentos, solicitudes ou comunicacións dirixidas a calquera órgano da Administración autonómica de Galicia, cos efectos previstos no artigo 38.4ºb/ da Lei 30/1992, do 26 de novembro, de réxime xurídico de administracións públicas e do procedemento administrativo. (Rematado o trámite de rexistro, daráselles traslado dos escritos, solicitudes e comunicacións ós seus destinatarios sen dilación e directamente).
• Información xeral da Administración autonómica de Galicia.
• Información particular sobre aqueles expedientes administrativos tramitados por instancia de parte perante a Administración autonómica de Galicia, nos que o solicitante sexa interesado, nos termos establecidos na lei.
• Acceso ó rexistro xeral de contratistas da Comunidade Autónoma.

De igual xeito, e en virtude dun convenio subscrito entre o Concello e o Ministerio de Administracións Públicas, tamén poderán presentarse no Rexistro Xeral do Concello de Vilagarcía de Arousa, os escritos, solicitudes ou comunicacións dirixidos a calquera órgano da Administración do Estado, cos efectos previstos no artigo 38.4ºb/ da Lei 30/1992, do 26 de novembro, de réxime xurídico de administracións públicas e do procedemento administrativo.

As solicitudes que se presenten no rexistro deben conter os siguientes datos:

• Órgano ó que se dirixe.
• Nome e apelidos do interesado, e no seu caso da persoa que o represente, así como a identificación do medio preferente ou do lugar que se sinale a efectos de notificación.
• Feitos, razóns e peticións en que se concrete.
• Lugar e data.
• Sinatura do solicitante.

No Rexistro Xeral do Concello. Unha vez rexistrada a documentación, esta pasa ó departamento que corresponda.