A Concellería de Educación é a responsable do mantemento dos centros escolares públicos de educación infantil e primaria. (As obras maiores, as que afectan ós elementos estructurais do edificio ou recinto, dependen da Consellería de Educación da Xunta de Galicia). Cando o curso está a rematar, a Concellería diríxese a eses centros para que lle informen daquelas obras que deben realizarse nas vacacións escolares. Evidentemente, durante o curso os centros tamén reclaman a realización daqueles traballos urxentes ou que non precisan da ausencia dos alumnos. Aquí inclúese, por exemplo, o acondicionamento do terreo do colexio para poder realizar proxectos como os de “Voz Natura”.