DEPORTE
A Fundación Deportes abre o prazo para solicitar as axudas ao deporte federado e a organización de eventos A Fundación Pública de Servizos Deportivos, que preside Argimiro Serén, vén de convocar as axudas aos clubs para o fomento do deporte federado por unha banda, e para a organización de eventos, por outra. En total son 102.000 euros euros, 82.000 para a primeira convocatoria e 30.000 para a segunda. O prazo comezou a correr este venres, unha vez publicadas as bases no boletín oficial da provincia, e estará aberto durante 20 días hábiles (tendo en conta que agora os sábados tamén se contan como hábiles a efectos administrativos). A documentación pode consultarse e descargarse no taboleiro de anuncios da web municipal, http://www.vilagarcia.gal .
03.02.2018. No caso das axudas ao fomento do deporte federado, os clubs deben presentar una breve memoria explicativa da actividade desenvolvida pola entidade, con expresión detallada dos gastos e ingresos. Igualmente, deben xustificar o número de licenzas, desglosando as femininas e as masculinas, adestradores titulados, liga na que se xoga e categoría da mesma, resultados por equipos ou individuais, etcétera. Partindo destes datos, as bases sinalan unha serie de baremos de valoración en puntos, dos que se derivarán as cantidades a conceder a cada club.
Polo que respecta á organización de eventos, o proceso é similar: os solicitantes deberán xustificar a celebración da competición, datas e lugar, número de participantes, balance económico, etcétera. Tamén se terá en conta si existen máis patrocinios ou non, e categoría do evento (internacional, nacional, autonómico, local), o número de participantes e equipos, a duración da actividade, si é oficial ou non, a antigüidade, se houbo cota de inscrición ou venda de entradas, etcétera. Os baremos, tamén establecidos por puntos, determinarán as contías a dar a cada club.