VILAGARCIA DE AROUSA

CULTURA
O Concello fai xestións para obter novos elementos expositivos para o Museo do Ferrocarril
O Concello de Vilagarcía pretende dar un novo pulo ao Museo do Ferrocarril emprazado na antiga estación de Carril. Ampliar os seus contidos é un dos primeiros pasos a dar para acadar esta meta e ese foi precisamente o obxectivo das xestións realizadas polo alcalde, Alberto Valera e o concelleiro de Turismo, Juan Antonio Pérez Callón, ante a Fundación de Ferrocarriles de España, á que se dirixiron para solicitar a cesión de elementos ou materiais que se pidan expoñer no MUFEVI.

23.01.2018.- O rexedor e o concelleiro aproveitaron a estancia en Madrid a semana pasada con motivo de FITUR para falar co presidente da FEE, Carlos Abellán, e concertar unha entrevista con Miguel Jiménez Vega, xerente de Protección de Bienes Históricos Ferroviarios da Federación, posto que este é o departamento que se encarga de localizar, catalogar e conservar todo tipo de elementos relacionados cos antigos ferrocarrís.

A FFE manteñen unha relación fluída co Concello Vilagarcía, posto que esta entidade é a que se encargou de redactar o proxecto da Vía Verde do Salnés que van a executar os municipios de Vilagarcía, Caldas e Portas aproveitando un tramo do trazado da vía en desuso que unía estas tres localidades para habilitar unha ruta peonil e cicloturista.

Os vilagarciáns expuxeron ao xerente de Bienes Históricos Ferroviarios da importancia histórica e simbólica que ten o Mufevi cuxa sede é a estación da primeira liña ferroviaria de Galicia, a que unía Corme con Carril. Os edís insistiron na necesidade de dotar ao museo inaugurado en xuño de 2006 de máis contidos para incrementar o seu atractivo que siga atraendo visitantes e para poñer en valor a histórica relación de Vilagarcía co ferrocarril.

Os responsables da FFE comprometéronse a estudar a proposta e ver que posibilidades existen de ceder material do seu fondo para expoñer en Vilagarcía e que se axuste ás características das instalacións existentes.