CULTURA
O Festival de Panxoliñas de Vilaxoán abre o prazo de inscrición para a súa 49 edición A Coral Máximo Patiño puxo a maquinaria a andar para a organización do 49 Festival de Panxoliñas de Vilaxoán, un dos certames musicais de Nadal más senlleiros de Galicia. O esperado evento terá lugar o sábado, 23 de decembro, as 20 horas nos locais da Confraría Virxe do Rosario. Os grupos interesados en participar deberán inscribirse previamente chamando ao teléfono 634 263 511. O prazo remata o día 20 de decembro.
12.12.2017.- No festival poden participar todo tipo de formacións musicais, xa sexan infantís, xuvenís ou de adultos. Cada formación poderá interpretar dúas panxoliñas, de libre elección, con ou sen instrumentos. Os temas poden ser inéditos, tradicionais ou populares e interpretaranse en directo durante o certame que, como todos os anos, rematará de modo festivo coa actuación da Coral Máximo Patiño.