CONCELLO
A gala de danza en beneficio da Protectora de Animais celébrase o sábado pola tarde A Concellería de Cultura informa de que a Gala Benéfica de Danza a favor da Asociación protectora de Animais de Vilagarcía celebrarase finalmente o sábado, 16 de decembro, a partir das 19:00 horas no Auditorio. O espectáculo ía celebrarse o pasado domingo, pero a organización decidiu aprazalo debido ao forte temporal que restaría público ao evento. As entradas xa adquiridas para a data inicial serán válidas para oe spectáculo deste sábado.
12.12.2017.- O Centro Artístico Begoña Fontán ven organizando dende hai anos unha gala de Nadal. Nesta ocasión a dirección do centro decidiu que a recadación do espectáculo fora en beneficio da Protectora de Animais de Vilagarcía que destinará os cartos a financiar os gastos de tratamentos médicos e alimentación dos animais que acolle no refuxio de Pinar do Rei.
Sesenta alumnas da escola de entre 3 e 17 anos serás as encargadas de representar as diferentes coreografías baseadas, principalmente, en temas navideños, como o Cascanoces. Tamén haberá algunha nana e mesmo danzas rusas. E como sorpresa, durante a gala recibirase a visita de Papa Noel.
A entrada para asistir a este espectáculo de danza clásica é de 3 euros e poderanse comprar anticipadamente na Protectora e na escola Begoña Fontán, e o día da función a partir das 18:00 horas na billeteira do Auditorio.