VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

CULTURA
O xoves ábrese o prazo de inscrición dos 60 paxes para a Cabalgata de Reis
Os nenos e nenas que desexen acompañar aos Reis Magos a bordo das carrozas da Cabalgata o próximo 5 de xaneiro poderán inscribirse dende o xoves, 16 de novembro, ata o xoves 1 de decembro. Poderá gozar deste privilexio calquera rapaz ou rapaza de 9 a 15 anos de idade empadroado en Vilagarcía co único requisito de ir que vestidos de paxe acorde co modelo que se indica na folla de inscrición. A Concellería de Cultura oferta un total de 60 prazas a distribuír nas 6 carrozas (tres dos reis e tres dos agasallos).

14.11.2017.- De todas as prazas dispoñibles, 24 resérvanse aos nenos de menor idade (de 7 e 9 anos), que serán os que se acomoden nas carrozas de Melchor, Gaspar e Baltasar. Os 36 paxes restantes (os de 10 a 15 anos) distribuiranse irán a bordo dos vehículos que transportan os agasallos.

Co obxecto de garantir que as 60 prazas se cobren en igualdade de condicións e de oportunidade entre todos os solicitantes, en caso de que haxa máis inscricións que prazas, estas adxudicaranse mediante sorteo publico entre todos os solicitantes que cumpran os requisitos.

Os formularios de inscrición pódense imprimir dende o taboleiro de anuncios da web municipal http://www.vilagarcia.gal ou recoller nas dependencias da Concellería de Cultura (sita no Auditorio) a partir do 16 de novembro, de luns a venres, en horario de 8.30 a 13.30 horas. Unha vez cubertas, a solicitudes deberán presentarse no Rexistro Xeral do Concello do 16 de novembro a 1 de decembro, de luns a venres e en horarios de 8:30 a 14.30 horas.

As listas de admitidos e de agarda publicaranse a partir do 15 de decembro.

Descargar PDF