VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
A humanización do final de García de Caamaño suprime barreiras e inclúe unha franxa vexetal cara a zona do río
O Concello de Vilagarcía iniciará nas próximas semanas a s obras para completar a peatonalización da Rúa García de Caamaño. Os traballos afectarán ao tramo da rúa que vai entre a praza da verdura e a avenida Valle Inclán e suporán a eliminación de todas as barreiras arquitectónicas e a creación dunha franxa vexetal na zona máis próxima ao río. A Xunta Local de Goberno adxudicou esta semana á empresa Construcciones y deslizados de Galicia S.L por 29.588 euros a obra que ten dous meses de prazo de execución.

04.10.2017.- O proxecto redactado polo Arquitecto da Oficina Municipal de Rehabilitación ten como obxectivo completar a renovación urbana e peonalización da rúa García de Caamaño e mellorar a estética e funcionalidade do tramo que quedaba pendente.

Aínda que a rúa será peonil, permitirase, como ata o de agora, o acceso á mesma dos vehículos dos comerciantes da praza de abastos para a realización das tarefas de carga e descarga relacionados coa actividade do mercado público. Por esta razón e atendendo ás características de resistencia e durabilidade, o material que se utilizará para renovar o firme, actualmente de asfalto e con beirarrúas de lousas, será o formigón. O material tratarase mediante encofrados para darlle un aspecto máis atractivo a modo de grandes listóns.

As actuais beirarrúas desaparecen, situándose todo o ancho da vía a un mesmo nivel, garantindo así a accesibilidade, e na beira do río colocaranse unha franxa de céspede que, aparte de mellorar a estética do paseo, realizará unha función de drenaxe natural de pluviais. A obra complétase coa instalación de novos sumidoiros e a supervisión das redes de saneamento.
A obra finánciase con fondos do POS 2016.

< volver

+ titulares