CULTURA
As ilustracións de Sandra Gontad expóñense dende no Auditorio A Sala de Exposicións do Auditorio acolle dende esta tarde a mostra “Voa, xoaniña, voa”, unha colección de curiosas ilustracións realizadas pola xoven Sandra Souto Gontad. A exposición, que se inaugura ás 20:30 horas, inclúe debuxos realizados a bolígrafo e rotulador sobre papel e que, en ocasións, a autora combina con tinta, acuarela ou pastel. A mostra poderase visitar ata o 11 de novembro.
22.09.2017.- Sandra Gontad recórdase a se mesma dende moi cativa, sempre cun lapis na man, e sempre debuxando as cousas que se lle ocorrían ou que vía. A súa vocación de ilustradora fundiuse co tempo coa paixón pola moda, sector no que traballa dende hai anos. Como consecuencia nacen unhas ilustracións marcadas a doses iguais por inspiración e imaxinación.