INFRAESTRUTURAS
O Concello actuará nas rúas da Coviña e Casal, en Bamio, a través do plan de mellora de camiños rurais As rúas da Coviña e Casal, na parroquia de Bamio, serán os próximos camiños da rede viaria rural que serán obxecto dunha actuación de mellora no termo municipal de Vilagarcía. A Xunta de Goberno Local aprobou o proxecto encargado polo concelleiro do Rural , Lino Mouriño, no que se recolle a mellora do firme destas vías, o ensanche das mesmas onde sexa posible e a instalación da rede de drenaxe e recollida de augas pluviais.
12.09.2017.- A actuación precisa dun investimento de 47.551 euros e o prazo de execución de 1 mes. O proxecto remitiuse á Consellería de Medio Rural –Axencia Galega de Desenvolvemento Rural a efectos de obter subvención a través da liña de axudas para a mellora dos camiños rurais.
O Concello planea a execución desta obra en vista do estado no que se atopan estas dúas rúas de Bamio que presentan un importante desgaste na capa de rodadura, cos fendas e fochas que dificultan o tránsito r a seguridade dos usuarios.
As obras a realizar consistirán na apertura de caixa para a execución de sub-base de zahorra nos tramos de vial a ensanchar, o batido mecánico do pavimento aglomerado existentes e a regularización do pavimento cunha capa de MCB. Posteriormente se estenderá unha nova capa de rodadura de 5 centímetros de espesor e se levantarán as tapas das arquetas. A actuación prevé tamén a instalación de drenaxe de pluviais con canaleta, badén, sumideiros e tubo de formigón.