CONCELLO
Adxudicado o acondicionamento das farolas tradicionais do centro urbano no marco do plan de mellora estética da cidade A próxima actuación que levará a cabo o Concello de cara a mellorar a imaxe do centro urbano será a de acondicionamento das farolas tradicionais de fundición de varias rúas. A Xunta de Goberno Local acordou na reunión de hoxe adxudicar o contrato de reparación de acondicionamento das farolas tipo “villa” á firma Trébol Reformas por importe de 15.246 euros. A actuación finánciase con cargo ao Plan Concello 2107 da Deputación Provincial de Pontevedra.
11.09.2017.- As características farolas de fundición están situadas en varias rúas peonís e outras moi céntricas. Os elementos que serán obxecto desta mellora son os que se atopan na rúa Castelao, a contorna da Alameda, a rúa Edelmiro Trillo e a Praza de Ravella.
Como mellora, a empresa adxudicataria ofertou o subministro e colocación das proteccións envolventes das partes acristaladas dos farois.