VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

OBRAS E SERVIZOS
O plan de mellora das casas de cultura continuará polas de Cornazo e Sobradelo
O Concello de Vilagarcía segue a desenvolver o plan de mellora e mantemento das casas de cultura e centros socioculturais do municipio iniciado hai xa dous anos. As casa de cultura de Os Borrizos (Cornazo) e o centro cultural de Sobradelo son próximas instalacións que serán obxecto destes traballos,. A Xunta Local de Goberno aprobou esta semana a memoria das actuacións a levar a cabo en cada un dos edificios e cuxo importe total ronda os 50.000 euros que se financian con fondos municipais.

09.08.2017.- A casa de cultura dos Borrizos, en Cornazo, construíuse na década dos anos 90 e aínda que a posteriori realizáronse algunhas reformas, o centro precisa nestes momentos da execución de pequenas obras de conservación e reparación co obxecto de manter a seguridade do inmoble e mellorar os eu acabado. Os traballos previstos son a limpeza de cuberta e reposición de tellas, reparación de instalacións de fontanería, pintado de parámetros exteriores e interiores, decapado e posterior pintado de reixas e varandas exteriores, reparación dunha fiestra e limpeza completa do edificio. Nestas actuacións investiranse 33.670 euros.

Os traballos a realizar no centro cultural de Sobradelo céntranse en pequenas obras de cociña e na mellora de diversos acabados e teñen un orzamento de 15.263 euros. En concreto, adaptarase como cociña unha das estancias e instalarase o equipamento necesario, así como a extracción de fumes e cheminea. Arranxaranse as fiestras e colocaranse estores para controlar a entrada da luz solar. Tamén se construirá unha escaleira na saída do salón de actos cara a finca traseira e se colocará unha varanda exterior. Finalmente, lixaranse e pintarase todas as varandas metálicas exteriores, porase un rótulo identificativo do centro Veciñas de Sobradelo e farase unha limpeza completa ao edificio.

Unha vez aprobadas as memorias de actuacións, comezarase o proceso de contratación dos traballos.

< volver

+ titulares