AVISOS
Os estacionamentos do contorno da Praza de Abastos anúlanse o luns polo adianto do mercadiño A coincidencia da festividade do 25 de xullo en martes fai que o tradicional mercadiño se adiante esta semana ao luns, 24. Por esta razón, a Policía avisa de que os estacionamentos das rúas do contorno da Praza de Abastos deberán quedar totalmente libres de vehículos ás 8 da mañá do luns, para permitir a instalación dos postos ambulantes. O guindastre municipal retirará os vehículos que non foran retirados antes desa hora.
22.07.2017.- As rúas e prazas que serán ocupadas polos postos de venda ambulante son a Praza Doutor Carús, Rúa Castro, Rúa Alexandre Bóveda, Avenida da Mariña (o tramo por diante da Praza da Peixería) e a explanada de estacionamento de Valle Inclán (xunto a praza da verdura).