VILAGARCIA DE AROUSA

ECONOMÍA
Fexdega engade ao calendario de maio o salón de vehículos “Solo Clásicos Vilagarcía”
A actividade feiral en Fexdega continúa progresando coa presentación de novos proxectos expositivos por parte de empresarios locais. O último, o salón de vehículos “Solo Clásicos Vilagarcía” que se celebrará nas instalación da Maroma do 26 ao 28 de maio e que se engade ás outras dúas citas expositivasxa programadas no recinto para os meses de abril e maio: Expocasa e Arosa Motor.

22.03.2017.- Os promotores de “Solo Clásicos Vilagarcía” pretenden recuperar o proxecto dedicado as vehículos clásicos celebrado por primeira e única vez en Fexdega no ano 2008, contando por entón cun notable éxito de público e participación. Para a recuperación desta segunda cita, os organizadores, ademais da exhibición de vehículos clásicos, proxectan áreas de recambios, mercado de pezas e, xa máis no plano lúdico para os expositores, unha concentración e ruta de vehículos clásicos polas estradas da cidade e a súa contorna.

Unhas semanas antes, Fexdega acollerá outro salón dedicado a automoción. É o Arosa Motor, organizado por outra empresa vilagarciana, Klip, se celebrará entre o 28 de abril e o 1 de maio.
Esta mesma empresa é a organizadora de Expocasa, a cita que terá lugar do 13 ao 17 de maio e que supón unha novidade no historial expositivo de Fexdega xa que por vez primeira abordará os distintos sectores que interveñen na construción e amoblamento de vivendas (cociña, baños, decoración…)

A presentación destas propostas demostra os feitos evidentes da iniciativa dos emprendedores locais e a idoneidade das instalación de Fexdega para a actividade feiral. Estes zona demais dous obxectivos principais que persegue e promove o Concello: motivar a actividade dos emprendedores prestando todo o seu apoio e seguir impulsando e incrementando a actividade feiral en Fexdega como un recurso relevante para dinamizar a economía local e que é perfectamente compatible coa actividade lúdico e deportiva das instalacións.