EMPREGO
Concello e acción Contra a Fame poñen en marcha a segunda edición do programa de busca de emprego Despois do éxito da primeira edición do “Vives Emprega”, o Concello de Vilagarcía volve a apostar polo programa de busca de Emprego que desenvolve a ONG Acción Contra a Fame. A concellería de Benestar colaborará na posta en marcha da segunda edición da iniciativa na que poderán participar 25 persoas desempregadas de entre 18 e 60 anos de idade e con dificultades de inserción socio laboral. Os interesados en participar no programa que se desenvolverá entre marzo e agosto deben inscribirse a través do mail smgalvez@accioncontraelhambre.org o do teléfono 619 519 520. Acción Contra a Fame seleccionará aos participantes que reúnan o perfil.
26.02.2017.- O obxectivo do programa “Vives Emprega” é promover a adquisición de habilidades sociais e competencias básicas para o emprego, poñendo en valor el talento y la iniciativa de las persoas participantes para mellorar a súa situación persoal e o entorno que lles rodea.
Vives Emprega diríxese a aquelas persoas desempregadas que se atopan nunha situación máis complicada para encontrar traballo. Deben de estar inscritos como demandantes de emprego nos servizos públicos de emprego, e darase prioridade de participación a aqueles que se atopen, polo menos, nunha das situacións seguintes: vir derivados polo Servizos Sociais ou outras entidades sociais; ser perceptor da Renda Mínima de Inserción (RISGA); levar no paro 2 anos ou máis; ter nivel de estudios Primarios; non contar con estudios regrados nin con cualificación profesional; ter cumpridos os 45 anos; contar cunha discapacidade recoñecida a partir do 33%; ser vítima de violencia ou abuso, ser responsable en solitario dun menor ou ter dependentes ao seu cargo; así como ter medidas xudiciais executadas ou pendentes.
O itinerario Vives Emprega consiste na creación de equipos de traballo nos que os participantes mellorarán as súas habilidades sociais e as súas competencias para o emprego a través de sesións grupais, sesións personalizadas, creación de redes e posicionamento no contexto directo.
Os equipos de traballos contarán coa figura dunha coordinadora que guiará ao grupo e levará a cabo as sesións individuais cos participantes, ademais de acompañar ao equipo na busca de solucións creativas e de poñer a súa disposición as ferramentas necesarias para acadar e os seus plans e poñelos en marcha.