OBRAS E SERVIZOS
Comeza o acondicionamento das bolsas de aparcamento da Escardia O Servizo Municipal de Obras comezou esta mañá a acondicionar as bolsas de aparcamento público habilitadas na Escardia tras o acordo acadado entre o Concello e os propietarios dos terreos. A actuación consistirá no nivelado e recheo das fochas existentes para facer mais transitable os aparcamentos que coa chuvia e o paso de vehículos se converteran en lodazais.
20.02.2017.- A medida foi anunciada a semana pasada, cando o Concello conseguir a autorización dos dous propietarios das parcelas para poder actuar nelas. Decidiuse esperar a esta semana para aproveitar o tempo soleado da fin de semana que axudou a secar o lodo, facilitando así a actuación da maquinaria que comezou hoxe a traballar.
Para non eliminar todas as prazas de aparcamento, actuarase primeiro nunha das parcelas e, rematada esta, pasarase á outra.
Os traballos consistirán no nivelado do terreos recheando as foxas co xabre resultante do proceso de trituración de residuos de obras municipais realizado no Punto Limpo de Pinar do Rei. A actuación rematará co repisado do firme.