VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

XUVENTUDE
O Tecnoverán de Xuventude foi seleccionado para expoñerse no IV Congreso Internacional de Videoxogos e Educación (CIVE)
Os campamentos tecnolóxicos de verán, O Tecnoverán) organizados este ano pola Concellería de Xuventude veñen de ser recoñecidos polo Congreso Internacional de Videoxogos e Educación (CIVE) ao ter sido elixidos como experiencia a comentar no evento que este ano se desenvolve en Pontevedra. A iniciativa que tiña por obxecto adentrar á mocidade nas tecnoloxías emerxentes para a súa aplicación tanto no eido laboral como lúdico, será exposta por Diego Parajó na sesión a celebrar mañá pola tarde na Facultade de Ciencias Sociais e da Comunicación.

27.10.2016.- Trinta e cinco mozos e mozas de entre 16 e 35 anos participaron de xeito gratuíto no Tecnoverán, unha actividade organizada pola Concellería que dirixe Sonia Outón, deseñada pola asociación sen ánimo de lucro O Núcleo e impartida por Diego Parajó, membro deste colectivo e integrante de Xeneme. Durante 25 horas lectivas, os participantes recibiron formación práctica sobre o uso de tecnoloxías emerxentes como aplicacións móbiles, robótica, programación ou GPS, co fin de que puideran aplicalas posteriormente nas súas actividades laborais, sociais ou de ocio.

O leitmotiv do CIVE é a fase de deseño dos videoxogos. O congreso parte da base de que dende que o home é home, o xogo é non só motivo de entretemento, senón tamén un elemento de aprendizaxe e de comunicación. Co paso do tempo e coa aplicación das novas tecnoloxías chágase ao videoxogo e, con el, ao estudo deste novo formato dende o punto de vista industrial.

A selección do Tecnoverán como unha das experiencias destacables a expoñer no congreso avala a calidade do proxecto desenvolvido en Vilagarcía e tamén o acerto da Concellería de Xuventude por apostar por esta interesante iniciativa de ámbito local.

< volver

+ titulares