VILAGARCIA DE AROUSA

Buzón do Alcalde

Trámites Administrativos

Turismo

Enlaces

4O CONCELLO

_ Benvida do Alcalde

_ Organización Municipal

_ Servizos Municipais

_Ordenanzas Municipais

_Calendario Contribuínte

_Actas

_Taboleiro de Anuncios

:VILAGARCÍA TURISMO:
_A CIDADE
_LA CIUDAD
_THE CITY

MEDIO AMBIENTE
Vilagarcía explora as vías de financiamento de proxectos de eficiencia enerxética e enerxías renovables
O Concello de Vilagarcía pretende avanzar na implantación de sistemas de aforro e eficiencia enerxética no ámbito público municipal. Co obxecto de explorar as posibles vías de financiamento e de subvención para poñer en marcha proxectos deste tipo, o concelleiro de Medio Ambiente, Lino Mouriño, e a edil de Facenda, Luz Abalo, asistiron hoxe á xornada informativa organizada pola Fundación Axencia Enerxética Provincial da Coruña, que se celebrou na cidade herculina.

11.02.2016.- O interese do goberno local por esta sesión céntrase na posibilidade de acadar fondos para continuar a renovación do alumeado público das rúas con lámpadas led que, ademais de mellorar as condicións lumínicas, consumen moita menos enerxía e, polo tanto, aforran custes ao concello. A ampliación destes métodos a iluminación, calefacción e sistemas de quentamento de auga en edificios e instalacións públicas, como por exemplo Concello, Biblioteca, Fexdega, pavillóns deportivos e centros socio culturais.

A xornada, na que participaron expertos e técnicos de diferentes sectores, así como representantes de administracións públicas, abordou aspectos como as a axudas que ofrece a Unión Europea ás administracións locais. Tamén se afondou en temas como a Planificación Técnico financeira de proxectos de alumado publico led ou os Proxectos para a rehabilitación enerxética de edificios existentes.
No eido do financiamento autonómico, expuxéronse as liñas existentes para iniciativas relacionadas coa biomasa, enerxías renovables como eólica ou solar, e proxectos de aforro e eficiencia.

< volver

+ titulares