FESTAS
Los Elefantes, Siniestro Total, Delafé y las Flores del Mal e Uxía compoñen o cartel de grandes concertos das Festas de San Roque 2015 O Concello de Vilagarcía fixo público hoxe composición do cartel de grandes concertos da Festas de San Roque de Vilagarcía. A música galega estará representada polos emblemáticos Siniestro Total e por Uxía mentres que a cota nacional cubrirase cos grupos cataláns Los Elefantes e Delafé y Las Flores del Mal. O apartado musical completarase con dúas xornadas de concertos de grupos locais.
23.07.2015.- O alcalde, Alberto Varela e a concelleira de Cultura, Sonia Outón, foron os encargados de presentar o programa das Festas Patronais de San Roque e o cartel de concertos. Pese ás limitación orzamentarias e ao escaso tempo co que se contou para organizar as festas, o goberno optou porque todos os concertos fosen de balde sen renunciar a un cartel atractivo e de calidade. Os grandes grupos actuarán no Parque da Xunqueira a partir das 23:00 horas, mentres que os locais contarán con diferentes escenarios pola cidade.
Los Elefantes serán os encargados de abrir o apartado musical, o venres 17 de agosto. A formación pop-rock liderada por Shuarma conta no seu haber con importantes premios, destacando entre os seus éxitos o aplaudido álbum “Azul”.
A música galega toma o relevo o sábado 18, coa actuación de Uxía. O concerto con tintas folk virá precedido da actuación da Banda de Música de Vilagarcía e o grupo Embruxo de Guillán. A cantante galega cantará acompañada de outros artistas.
A banda liderada por Julián Hernández, os carismáticos, Siniestro Total, subiranse ao escenario da Xunqueira o domingo 19 para facer vibrar a novos e no tan novos con algúns dos seus temas máis clásicos e populares, así como os máis recentes do seu último disco “Paseando sobre el agua” editado este mesmo ano e no que colaboraron artistas como Ses ou Luis Tosar.
O cartel de grandes concertos péchanos os cataláns Delafé y las Flores del Mal. O grupo barcelonés ven pegando moi forte no panorama musical nacional pop-rock.
A Concellería de Cultura está pechando o calendario dos concertos dos grupos locais, xornadas que se presentarán nun acto específico.