TRÁFICO
Os vehículos só poderán circular por un lado da rotonda de Carril a partir das seis da tarde de mañá Os actos das festas de San Fidel que se desenvolven esta fin de semana en Carril implicar a realización dun operativo especial de tráfico que afectará principalmente ás zonas de estacionamento, e de xeito puntal á circulación rodada. Para permitir a instalación dos escenarios para a verbena do venres haberá que cortar un dos carrís da rotonda da Praza da Liberdade, polo que os vehículos terán que circular en ámbolos dous sentidos polo carril oposto.
26.03.2015.- A medida prolongarase dende ás seis da tarde do venres, cando comecen a situarse os dous trailers das orquestras, ata as sete da mañá do sábado, cando está previsto que conclúan as tarefas de recollida dos escenarios e retirada dos camións.
Esta será a única limitación do tráfico na rotonda, xa que as verbenas e actividades dos días seguintes non afectarán á travesía principal. A comisión de festas de San Fidel solicitou colaboración ao Concello que, a través da Concellería de Tráfico, se encargou de xestionar os permisos para o corte do carril da rotonda ante a Xunta de Galicia, titular da vía e ante a Dirección Provincial de Tráfico. Policía Local e persoal do Servizo Municipal de Emerxencias e Protección Civil encargaranse de controlar a situación. Debido a existencia dun único carril para ambos sentidos da circulación, quedará prohibido o paso de vehículos de máis de 3.500 quilos que poderían quedar atrancados á altura da rotonda. Estes deberán desviarse pola circunvalación para o cal a Policía instalará a sinalización pertinente nos cruces apropiados para avisar aos condutores. Tamén se dou aviso á empresa de transportes Pereira para que o teñan en conta á hora de prestar os seus servizos habituais. A circulación pola vía que conduce a Catoira quedará completamente restablecida o sábado e o domingo. Os cambios para eses días afectan en exclusiva ao aparcamento posterior da lonxa, onde se instalarán dende o venres as atraccións de feira. Tampouco se poderá circular nin estacionar en toda a Praza da Liberdade, epicentro dos actos festivos. O acceso de vehículos ao porto córtase neste punto establecéndose como alternativa a Rúa Lucena (á que enlaza co Paseo Marítimo polo Hotel Carril) e continuar cara a lonxa pola Rúa da Cruz).
En cato ás alternativas de aparcamento, a Policía recomenda utilizar as bolsas de estacionamento da zona da capela dos Anxos e da urbanización da Tomada, cuxos accesos estarán convenientemente sinalizados.